УВЕР ЙОГЫН

Москваш – ончерыш

10-12 мартыште Москваште «Интурмаркет-2018» тӱнямбал турист ончер эртен. Тушко Марий Эл гычат делегаций миен. Тудым Марий Элын самырык-влакын политикышт, спорт да туризм  министр Лидия Батюкова вуйлатен. 

 Тыгай кугу мероприятийыш Российын чыла гаяк регионжо гыч мияш тыршат, вет тудо элнан туризм отрасльжым вияҥдаш полша. Марий Эл тений тушто шке турист куатшым «Живые уроки» федерал проект кышкарыште ончыктен. Тиде – тунемше ден туныктышо-влакым авалтыште экскурсий да образовательный тур системе. Марий Элым веле огыл, пошкудо регионлам авалтыше путешествийым темлыше программе манаш лиеш.  

Ончерыш мийыше делегацийыш Йошкар-Ола, Козьмодемьянск турист- увер рӱдер-влакын специалистышт, палыме туроператор-влак пуреныт. Нуно «Живые уроки» проектын регион-влак кокласе координационный да эксперт совет-шамычын заседанийлаштышт, туризым вияҥдыме дене кылдалтше пӱсӧ йодыш-влакым каҥашыме всероссийский совещанийыште, «Йоча туризм- 2018» конференцийыште лийыныт.

С.Носова.

Опубликовать в Одноклассники

Добавить комментарий