УВЕР ЙОГЫН

Марий Элыште вольык ден янлык-влакым идентифицироватлаш тӱҥалыныт

Медведево районышто сурт озанлыкыште ашныме вольык ден янлык-влакым, учётыш налын, идентифицироватлаш тӱҥалыныт. 

Тидын нерген Марий Элын Ветеринарий комитетшын пресс-службыжо увертара. Медведево районышто Вольык чер ваштареш кучедалше станцийын пашаеҥже-влак вольык ден янлыкым чипироватлат. Лӱмын келыштарыме ӱзгар полшымо дене шӱй чоҥгаташке чипым вераҥдат. Тыге  чыла данный базыш пурталтеш. Янлыкым озаже вес элыш наҥгаяш кумылаҥеш гын, чекыште нелылык огеш лий, вет данныйже тӱнямбал базыштат лиеш. Палашлан: Евроушемын эллашкыже чипироватдылыме янлыкым лукташ ок лий.

 Тачысе кечылан Медведево районышто 80 имньым чипироватлыме, Советский районышто  – 25. Лишыл жапыште ветеринар-влак тыгаяк пашам  Морко районышто тӱҥалаш шонат. Тиде пашам июль марте ыштен шукташ палемдыме.

С.Носова.

Опубликовать в Одноклассники

Добавить комментарий