СОЦИАЛЬНЫЙ ИЛЫШ

Социальный илыш: Рӱдерыште – у отделений

27 февральыште Йошкар-Олаште верланыше психолого-педагогический да социальный полышым пуымо республикысе «Доверие» рӱдерыште Колмо шотышто ситыдымашым шижше граждан-влаклан кылым ыштыме диспетчер отделенийым почмо. Тудым соҥгыра да начарын колшо-влакын йодмыштым жапыштыже шуктымо шонымаш дене «Доступный среда» программе кышкарыште  ыштыме. 

Торжественный мероприятийыште тазалыкыште экшык улман граждан, Марий Эл Республикын Социальный вияҥмаш  министерствыжын специалистше-влак, коммерческий огыл да шинчымашым пуымо организаций-влакын еҥышт лийыныт.

У отделений республикыштына соҥгыра да начарын колшо 1,5 тӱжем наре еҥлан справке-информаций полышым консультирований форматыште телефон да скайп (Skaype) полшымо дене пуа. Тидын дене инвалидын илышыжым тичмашракым ышта, социальный средаште палдырныше чаракшым Марий Эл кумдыкышто кораҥда.

Колмо шотышто ситыдымашым шижше еҥ-влак диспетчер отделений полшымо дене регионыштына экстренный службылашке лектын, врачым мӧҥгышкӧ ӱжыктен, медико-санитарный экспертизе бюрон, социальный страхований фондын приёмлашкышт возалтын, кучем, ЖКХ, социальный сфер органлашке информацийым пуэн, документым оформитлыме шотышто полышым налын кертыт. Чыла – яра.

Соҥгыра, начарын колшо да оператор-влак кокласе кыл тыгай:

ВКонтакте соцсетьысе группо – http://vk.com/club161935295;

cото телефон – 37-00-40;

cмс-увер – 89913980343;

WhatsApp – 89913980343;

Skaype – Оператор доверие.

Тиде кылын схемыже: соҥгыра але начарын колшо айдеме диспетчер деке скайп, мессенджер, социальный сеть, электрон почто але смс полшымо дене лектеш, шке йодышыжо але проблемыж дене палдара. Диспетчер отделенийын операторжо тиде информацийым верысе, кугыжаныш, исполнительный кучемлашке, ЖКХ-ашке, социальный сферышке (здравоохранений, образований, культур, социальный аралымаш да молат) кусара, кӱлеш гын, документым оформитлаш полша да чыла тидым соҥгыра але начарын колшо еҥлан возен, кид дене ончыктен увертара.

Диспетчер отделенийым почаш 250 тӱжем наре теҥгем кучылтмо. Тиде окса дене специалист-влакым туныктымо, кӱлешан аппаратурым налме.

Отделений кажне паша кечын 8 гыч 20 шагат марте ышта.

М.ИВАНОВА.

Опубликовать в Одноклассники

Добавить комментарий