ТАЗАЛЫК

Моско эксперт-влак – Волжскышто

Медицине пашан качествыж ден лӱдыкшыдымылыкшым эскерыме системым шыҥдарыме кышкарыште 1-2 февральыште Волжск оласе рӱдӧ эмлымверыште медицине полышым тӱрлӧ этапыште пуымо дене кылдалтше проблемым рашемдыме мероприятий-влак эртеныт. Тушко аудитор шотеш Москва гыч Росздравнадзорын мониторинг да клинике-экономике экспертизе рӱдерже гыч эксперт-влак толыныт. 

Эксперт пашаште Росздравнадзорын мониторинг да клинике-экономике экспертизе рӱдер директорым алмаштыше О.Швабский (Москва), тиде тӧнежынак тӱҥ специалистше Е.Волохова (Москва), Россий Федераций Тазалыкым аралыме министерствын Юл кундем федеральный округшын штат деч ӧрдыжсӧ тӱҥ эпидемиологшо, профессор, медицине науко доктор О.Ковалишина (Нижний Новгород), Камский йоча медицине рӱдерым вуйлатыше Н.Наговицына (Набережные Челны) да Казань оласе 7-ше №-ан эмлымверын врач-экспертше Э.Хамидуллина (Казань) участвоватленыт.

Эксперт-влакын пашаштым иктешлыме почеш, Волжск оласе рӱдӧ эмлымверыште медицине пашан качествыж ден лӱдыкшыдымылыкшым  саемдыме шотышто темлымаш-влакым ик тылзе жапыште ямдылаш пунчалме.

М.ИВАНОВА.

Если вы нашли ошибку, пожалуйста, выделите фрагмент текста и нажмите Ctrl+Enter.
Опубликовать в Мой Мир
Опубликовать в Одноклассники

Добавить комментарий