ТАЗАЛЫК

«Вашкеполыш» машиналан полшеныт огыл але?

5 февральыште Марий Эл правительстве пӧртыштӧ эртыше черетдыме заседанийыште «Троллейбус транспорт» муниципал предприятийын лумыш пижше «Вашкеполыш» машиналан полшыдымыж шотышто ятыр мутланымаш лийын ыле. 

Кызыт рашемын: ты станций гыч полышым йодын ты предприятийыш иктат йыҥгыртен огыл.

Ты шотышто «Троллейбус транспорт» муниципал предприятийын официальный сайтыштыже тыгай уверым вераҥдыме: «Муниципальное предприятие «Троллейбусный транспорт»  городского округа  «Город  Йошкар-Ола»  информирует  граждан, что  информация   об инциденте, произошедшем  05.02.2018г.,  выразившемся  в отказе предоставить  специализированную технику, имеющуюся на балансе предприятия (КамАЗ «Техпомощь»),  для застрявшей  кареты скорой помощи, не подтверждена».

Умбакыже ойлалтеш: 5 февральысе телефон записьым шымлен лекмеке, пале лийын: «Вашкеполыш» гыч ты предприятийыш йыҥгыр лийын огыл.

«Вашкеполыш» станцийын тӱҥ врачшылан тиде инцидент шотышто служебный тергымашым эртараш полшаш але марте кок йодмашым колтеныт. Но иктыжланат официальный вашмут лийын огыл, палемдышт «Троллейбус транспорт» муниципал предприятийыш йыҥгыртымына годым.

Л.Камалетдинова.

Опубликовать в Мой Мир
Опубликовать в Одноклассники

Добавить комментарий