УВЕР ЙОГЫН

Айдеме да пӱртӱс: Нуным шотлаш неле

Пӱртӱс поянлык, экологий да йырым-йырысе средам аралыме мнистерствын специалистше-влак кодшо ийын шыжым вӱд воктене илыше янлык чотым шотен лукмо пашам иктешленыт. 

Умдырым, ондатрым, шашкым, вӱдумдырым, енот сынан пийым шотлымо пашаик эн нелылан шотлалтеш, молан манаш гын нунын илыме кундемыш южо годымжо логалаш моткоч неле. А нуно изи ер ден эҥер пелен,  торфан верлаште, купышто илат. Иктешлыме почеш, тыгай янлык чот иземын. Специалист-влак тыгай данный-влакым увертареныт.

2017 Ондатр – 22889, умдыр – 8183, шашке – 1555, вӱдумдыр – 292 
2016 Ондатр – 23198, умдыр – 8645, шашке – 1615, вудумдыр – 270 
2015 Ондатр – 23046, умдыр – 8530, шашке – 1532, вудумдыр – 252

Специалист-влак тыгай янлык чот шагалем толмын специалист-влак икмыняр тыгай амалжым палемдат: гидрорежим кажне ийын вашталтеш, жапын-жапын тӱрлӧ чер жапын-жапын ылыжеш, хищник-влак пытарат. Но тидын годым, мутлан, вӱдумдыр чот ала-могай амал дене кушкын. Специалист-влакын палемдымышт почеш, пытартыш жапыште тыгай янлык-влакын илыме кумдыкышт палынак начарештыныт. Поснак изи эҥер ден ерла пелен улшо кумдык-влак кеҥежым кошкат. Енот сынан пийынат чотшо кушкын толеш. Тений гын 683 вуйым шотлен лукмо.

С.Носова.

Опубликовать в Одноклассники

Добавить комментарий