ОБРАЗОВАНИЙ УВЕР ЙОГЫН ЭКОНОМИКЕ

Образований: Школым грант дене палемдат

Марий Эл Правительстве республикын  эн сай школжо-влакым икымше гана грант дене палемда. Тидын нерген Министр-влак кабинетын заседанийыштыже Марий Эл вуйлатыше А.Евстифеев каласен. 

Регионым вуйлатышын ойлымыж почеш, туныктымо учреждений-влакым аклыман да пашам ышташ кумылаҥдыман, молан манаш гын нуно шочмо ялыштын, олаштын чапшым гына огыл, республикынат аралат. Александр Евстифеев ӱмаште вуз-влаклан полышым пуымо нерген ойырен каласыш. Тидлан кӧра кок университетшат федеральный конкурслаште номинант коклаш пурен.

– Марий Элын Образований да науко министерствыжлан школым аклыме критерийым ямдылаш йодынна. Тидлан 2017 ийысе лектышым ончалман. Грантым икмыняр номинацийыште палемдена. Оксам республикын резервный фондшо гыч налына. Эн сай школ-влакым комиссий ийлан кок гана ойыра. Икымше сеҥышым лишыл жапыште палемдена гын, весыжым – сентябрьыште. Тунам выпускник-влакын регионысо ден федеральный вузлашке мынярын пурен кертмыштым ончена, – мане А.Евстифеев.

Л.ШАБДАРОВА ямдылен.

Опубликовать в Одноклассники

Добавить комментарий