КАЛАСЕ, "МАРИЙ ЭЛ"

Йодса – вашештена: Такистын оксаже уке гын?

Кодшо гана такси дене кудалме годым водительлан 500 теҥгем веле манын ончылгоч увертарышым. Тудо мыланем «сдачем уке» вашештыш. Тидын шотыштак рашемдынем: таксистын сдачыже уке гын, кӱлеш верыш миен шумеке, пассажирлан ончыч оксам вашталтен толаш темла, а уке гын, ом наҥгай манеш гын, тыгай годым мом ыштыман? 

Н.Соловьев.
Йошкар-Ола.

Йодышлан Роспотребнадзорын Марий Эл Республикысе управленийжын пресс-службыштыжо тыге вашештеныт:

– Пассажир-влакым, тыгак багажым шупшыктышо легковой таксин пашажым  «Автомобиль траспортын да олаште мланде ӱмбалне кудалыштше электрический транспортын уставше (умбакыже Устав)» регулироватла. 31-ше статьян 1-ше ужашыштыже ончыктымо дене келшышын, пассажир ден такси водитель ончыч куко, кузе миен шумо нерген шке коклаштышт мутланен келышыме ойпидышым ыштышаш улыт. РФ Граждан кодексын 426-ше статьяжын 3-шо ужашыштыже ончыктымо почеш, коммерческий организацийын потребительлан келшен толшо сатум, услугым пуаш йӧнжӧ улмо годым тыге мутланен келшыме ойпидышым ышташ нимогай чарак лийшаш огыл. Уставыште ончыктымо дене келшышын, таксист тидым ыштыме деч тунам тореш лийын кертеш, кунам кайышашлык корнышто але пассажирын койышыштыжо тудын илышыжлан лӱдыкшӧ улмым шижеш.   

Сандене водительын вашталташ ситыше оксаже уке гынат, пассажирым наҥгаяш тореш лийын огеш керт. Вашталташ ситыше оксаже эре лийшаш, тиде обязанностьшылан шотлалтеш.  

Водитель вашталтышаш окса укелан кӧра пассажирым наҥгаяш тореш лиеш гын, пассажир тидын шотышто судыш вуйым шийын кертеш. Тунам суд водительым мут кучаш да пассажирым пуртымо роскотым пӧртылтен тӱлаш палемден кертеш.

Тидын шотыштак пассажир-влакын такси водитель-шамыч дене умылыдымаш лекмышт  годым Роспотребнадзорын Марий Элысе управленийыжын «шокшо линийышкыже» йыҥгыртен кертыт. Телефонжо тыгай: 8-800-707-61-77, 68-19-44 .

«Марий Эл Республикын Гигиене да эпидемиологий рӱдержын» консультацийым пуышо рӱдержын «шокшо линий» телефоныштыжат тендам колыштыт: 8-800-707-61-05, 45-19-33 .

Тыгай «шокшо линий» Роспотребнадзорын Марий Элысе Управленийжын районласе  пӧлкалаштыжат улыт:

Волжский районышто – 8-83631-6-00-88;

Советский районышто – 8-83638-9-48-14;

Шернур районышто – 8-83633-9-87-81;

Курыкмарий районышто – 8-83632-7-41-15.  

С.Носова ямдылен.

Опубликовать в Мой Мир
Опубликовать в Одноклассники

Добавить комментарий