УВЕР ЙОГЫН

Марий Элыште янлык чотым рашемдыме тургым тӱҥалын

Марий Элыште тений янлык чотым рашемдыме тургым пагыт тӱҥалын. 

Тудо 1 январь гыч 28 февраль марте шуйна. Марий Эл Республикын Пӱртӱс поянлык, экологий да йырым-йырысе средам аралыме министерствыжын кугыжаныш инспекторжо да нунын полышкалышыже-влак 967 маршрут дене 9 тӱжем наре километрым эртат.

Кодшо ийысе маршрут учётын лектышыже почеш, республикыште 1136 ирсӧсна, 92 тамган пучӧ, 135 шурмаҥше, 44716 музо, 20988 сузо да 45551 кӱдыр илат. Янлык ден кайыквусым шотлен лукмо почешак варажым тенийсе сонарлыме пагытлан нуным лӱйкалаш лийме лимитым палемдат. Мутлан, кодшо ийын 6557 шордо чот гыч 370-жым сонарлаш разрешенийым пуымо. Кодшо ийын африкан чума чер шарлен кертме лӱдыкшӧ лекмылан кӧра ирсӧснам сонарлаш лийме лимитым 30-40 процент гыч 100 процент марте кугемдыме.

Янлык ден кайыквусым шотлымо паша радамым министерствын лӱмын чумырымо заседанийыштыже каҥашеныт.

С.Носова.

Опубликовать в Мой Мир
Опубликовать в Одноклассники

Добавить комментарий