УВЕР ЙОГЫН

Марий Элыште Крешеньылан ямдылалтме паша тӱҥалын

Россий МЧС-н Марий аварийно-утарыше да экологий паша службыжын пашаеҥже да Изи судно-влак шотышто кугыжаныш инспекцийын инспекторжо-влак эҥер ден ерлаште вакым ышташ келыштарыме верлам шымлат. Тӱҥ шотышто еҥ-влаклан вӱдыш чывылталташ пураш келыштарышашлык верлаште ий кӱжгытым шымлат. Вакым ыштен шуктымеке, тудын воктене утарыше-влак дежуритлаш тӱҥалыт. 18-19 январьыште нунын дене пырля туштак «вашкеполышын» бригадыже да полиций пашаеҥ-влак лийыт.

Граждан обороно да калыкым аралыме комитетын специалистше-влак ушештарат: чывылталташ келыштарыме ваке еҥ-влаклан лӱдыкшым ыштышаш огыл. Мутлан, ваке йырысе ий пел метр деч кӱжгӧ лийшаш огыл, да еҥ-влак тудын деке лӱдде ошкыл каен кертышт манын, пеленже оҥа гыч ыштыме шартыш лийшаш. Вакыш иканаште кум еҥ деч утлараклан пураш ок темлалт.

С.Носова

Опубликовать в Мой Мир
Опубликовать в Одноклассники

Добавить комментарий