УВЕР ЙОГЫН

Уста самырык тукым: «Тазалыкна ӱшанле кидыште»

27 декабрьыште Йошкар-Оласе медицине колледжыште сайын тунемше, тӱрлӧ конкурсышто, спорт таҥасымаште ссузын чапшым аралыше да сеҥымашке шушо тунемше-влаклан именной стипендийым кучыктеныт. 17 студент Марий Элыште  чапланыше врач-влакын лӱмыштым  нумалше стипендийлан сертификатым кидышкышт налыныт. Лӱмлӧ врач-влак коклаште поснак Лелия Ивановна Соколован лӱмжым ойырен каласеныт. Тудын нерген фильмым ончыктеныт, пырля пашам ыштыше коллегыже-шамыч ятыр поро шомакым ойленыт.

Сертификат-влакым Марий Эл Правительстве председательын алмаштышыже Илга Дравниеце кучыктен. Тудо, колледж нерген видеофильмым ончымек, ссузым ончен савырнымек, «Тазалыкна ӱшанле кидыште» манын пеҥгыдемден каласен.

Л.ШАБДАРОВА.
М.Скобелевын фотожо.

Опубликовать в Мой Мир
Опубликовать в Одноклассники

Добавить комментарий