УВЕР ЙОГЫН

Калык фронт: Кӧлан — выньык, кӧлан — ӱштервоштыр

Общероссийский калык фронтын эртарыме «Генеральный уборко» проектше почеш Марий Эл верлаште закондымын ышталтше шӱкшакым кышкыме вер-влакым кораҥдыме шотышто лу ик эн сайын пашам ыштыше регион радамыш пурен.

Тиде — Томский область, Марий Эл, Краснодарский край, Татарстан Республик, Ростов, Моско, Рязань, Киров, Новосибирск, Тула область-влак. Ты проектын координаторжо, Кугыжаныш Думын депутатше Владмир Гутеневын ойлымыж почеш, закондымын ышталтше шӱкшак кышкыме верым кораҥдыме  пашаш  85 регион ушнен. Интерактивный картым ыштымылан кӧра чылаже 16 тӱжем йодмаш почеш 6667 тыгай верым пытарыме.

Тидын дене пырля В.Гутенев проектыш ушнаш кумылым ончыктыдымо регион-влакымат палемден: Карачаево-Черкес, Бурятий  Республик-влак, Магадан, Владимир, Угарман, Самара, Курск, Пенза область-влак, Приморский край, Забайкальский край.

Сай могырым ойыртемалтше регион вуйлатыше-влаклан Калык фронтын чолга еҥже-влак пӧлек шотеш экологически яндар куэ выньыкым колтеныт. Шке кундемыштым эрыктыме дене кылдалтше куштылго огыл пашам мучашлымеке, сайын каналтышт да У ий вашеш мончаш пурен лектын кертышт манын ойлат. «А теве  пытартыш лу регион вуйлатыше-влаклан пӧлек шотеш ӱштервоштыр гына логалеш», —  палемден Калык фронтын марий региональный пӧлкажын СМИ дене пашам ыштыше координаторжо Ольга Кузьмина.

С.Носова.

Опубликовать в Мой Мир
Опубликовать в Одноклассники

Добавить комментарий