УВЕР ЙОГЫН

Марий Эл вуйлатышын ёлкыжо: «Идалыкыште ик эн сай пайрем»

 Йошкар-Олаште Республикысе курчак театрыште Марий Эл вуйлатышын  вич Ёлкыжо лийын. Нунын эртыме жапыште республикнан тӱҥ пайремышкыже 1000 йоча миен. Ик ёлкышто Марий Эл вуйлатыше Александр Евстифеев шкежак икшыве-шамычым саламлен да У ий идалыкыште ик эн сай пайрем манын каласен.  Тудо ӱдыр-рвезе-влаклан, тазалыкым, пиалым, йӧратымашым, ача-аван мутшым колышташ да куандараш, ончыко лӱдде ошкылаш, шонымашке шуаш, элнам чапландараш тыланен, нунылан тамле пӧлекым кучыктен. 

Марий Эл вуйлатышын Ёлкыжо тений А.Евстифеевын темлымыж почеш икымше гана эртаралтын. Республикнан тӱҥ пайремышкыже тунеммаште, спортышто ойыртемалтше, тӱрлӧ конкурсышто усталыкым ончыктышо, инвалид ӱдыр-рвезе-шамыч чумыргеныт. А районла гыч мийыше 600 еҥым тамле пӧлек деч посна шокшо кочкышат вучен.

Л.ШАБДАРОВА.
М.Скобелевын фотожо.

 

 

Опубликовать в Мой Мир
Опубликовать в Одноклассники

Добавить комментарий