КАЛАСЕ, "МАРИЙ ЭЛ"

Юрист умылтара: Шке кумылын гына

Туныктышо-влакын ЕГЕ шотышто экзаменым кучышашлан школышто идалык мучко ямдылалтме консультацийым эртрымыштлан ача-ава-влак оксам тӱлышаш улыт мо? 

Н.Поликарпова.
Шернур район.

Йодышлан Марий Эл Республикын прокуроржын полышкалышыже С.Мертвищева вашештен:

– «Россий Федерацийыште образований нерген» федеральный законын 101-ше статьяштыже ончыктымо почеш, образовательный пашам шуктышо организаций-влак  ты пашам физический да (але) юридический лица кӱшеш эртарен кертыт. Но тидын годым тӱлыман услугым пуымо шотышто ойпидыш лийшаш. Туныктышо-влак, тӱлыман образовательный услугым пуымо шотышто ойпидышлан эҥертен, ача-аван окса кӱшеш да лачшымак нунын заданийышт почеш тидым ыштат, лектеш. Но тыгай услугым туныктымо олмеш пуышаш  огытыл, вет тидлан федеральный, РФ регион, верысе бюджетла гыч  ассигнований шотеш окса ойыралтеш.

Тӱлыман образовательный услугым пуымо шотышто ойпидыш образовательный организаций ден ача-ава-влак коклаште ышталтеш. Тыгай ойпидышыште образовательный услугылан ак кугыт, тудым тӱлымӧ радам ончыкталтшаш.

Сандене, ойпидыш ышталтын гын, школ ЕГЕ шотышто экзаменым кучышашлан идалык мучко консультацийым образовательный программе деч посна ойыралтше жапыште гына эртарышаш.

Тидын годым весымат шотыш налман: РФ-н Гражданский кодексше дене келшышын, ача-ава-влаклан тыгай ойпидышым виеш ыштыктен огыт керт. Сандене тыгай тӱлыман образовательный услугылан ойпидышым ыштымаш ача-ава-влакын обязанностьышкышт огеш пуро.    

С. НОСОВА

Опубликовать в Одноклассники

Добавить комментарий