УВЕР ЙОГЫН

У ийым – у пачерыште

Марий Эл вуйлатыше Александр Евстифеев кодшо рушарнян тулык да ача-аван полышышт деч посна кодшо 34 икшывылан пачер сравочым кучыктен. Тыге  нуно У ийым у илыме верыште вашлийыт. 

– Пачер-влакым чоҥаш тений республикын бюджетше гыч 62 миллион  утла тенге ойыралтын. Шушаш ийыште 105 миллионым кучылташ палемдыме. У пачер-влак Йошкар-Олаште верланеныт, сандене районла гыч тулык йоча-влак ынде рӱдолашке илаш куснат. А тыште паша верым муашат йӧн шукырак, – каласен регион вуйлатыше.

Сравочым кучыктымо деч вара А.Евстифеев пачер оза-влак дене пырля у илыме верыштым ончен савырнен.

Программым илышыш пуртымаште тыршыше-влаклан да республик вуйлатышылан у ий вашеш тыгай пӧлекым ыштымыштлан чылашт лӱм дене Н.Карпунова тауштымо мутым ойлен.

Йошкар-Олан мэрже Евгений Маслов палемден: республикысе ОБразований да науко министерствын данныйже почеш, тулык да ача-аван полышышт деч посна кодшо икшыве-влаклан шушаш ийыште 50 наре сравочым кучыктышаш улыт.

Л.Камалетдинова.

Опубликовать в Одноклассники

Добавить комментарий