ЭКОНОМИКЕ

Экономике: Ужалаш йӧным ышта

«Марий Элыште ыштыме » сату палым регистрироватлыме шотышто йодмашым Роспатентыш пуымо. 

Тидын нерген Марий Эл Правительстве председательын алмаштышыже Юрий Сидыганов увертарен. Кызыт Стандартизаций да метрологий марий рӱдер палылан технический йодмашым да кучылтмо радамым рашемдыше системым ышта. Тылеч ончыч брендым ямдылыше пашаче группо ышталтын. Тидын шотышто республикысе агропромышленный, промышленный предприятий-влакын еҥышт дене икмыняр гана совещаний эртаралтын. Тушто сату палым ямдылыме, кучылтмо, сертификаций системе да брендым регистрироватлыме дене кылдалтше йодыш-влак каҥашалтыныт. Темлыме проект-влак 23 августышто республикыште эртыше «Йӧн пуалтме жап» экономике форум годым ончыкталтыныт.

Россий кӱкшытыштӧ бренд дене тений шыжым Москваште эртыше «Шӧртньӧ шыже» 19-ше всероссийский агропромышленный ончер годым палдареныт. Тушто республикысе агропромышленный комплексын сеҥымашыже-влак нерген кинофильмымат ончыктеныт. Ю.Сидыгановын ойлымыжо почеш, чыла нине мероприятий-влак республикысе производитель-влакын сатуштым Россий кӱкшытышто ужалаш йӧным ыштат.

Каласен кодыман, «Марий Элыште ыштыме» ик брендым ыштыме пашам Марий Эл Республик вуйлатыше А.Евстифеевын темлымыж почеш тӱҥалме.  Предприятий-влакын ыштен лукмо сатушт акредитоватлыме лабораторийыште органолептический да физико-математический показательлан посна тергымашым эртымекышт гынабренд палым кучылт кертыт.

С.Носова. 

Опубликовать в Мой Мир
Опубликовать в Одноклассники

Добавить комментарий