УВЕР ЙОГЫН

Пашам пырля ышташ темлен

Марий Эл вуйлатыше Александр Евстифеев МВД ветеран-влак дене вашлийын. 

Чайым йӱшыла, ветеран-влак службышт нерген шарналтен каласкаленыт. Тыгак улшо йодышышт-влакымат каҥашеныт. Регион вуйлатыше нунылан республикысе социально-экономический сӱрет нерген ойлен да ветеран-влакын чолгалыкым ончыктымыштлан тауштен. Тыгак тудо 5 тӱжеман коллективын – республикысе эл кӧргӧ паша орган ден внутренний войска-влакын мер организацийыштын членыштын – обращенийыштым лудын. Тушто Владимир Путинын Россий Федерацийын Президентшылан баллотироватлалташ келшымыж нерген ойлымыжым сайлан шотлен вашлиймышт нерген ойлалтын. Тылеч вара А.Евстифеев Путинын темлыме программе-влак кокла гыч иктыже – «Йӧнан ола средам ыштымаш» – нерген каласкален.

Вашлиймаш мучаште республик вуйлатыше ончыкыжым ветеран-влак дене тӱрлӧ йӧн дене пашам пырля ышташ темлен.

Л.Камалетдинова.

Опубликовать в Одноклассники

Добавить комментарий