ТАЗАЛЫК

Медицине: Врач-влак – калыкын тазалыкше нерген

Марий Эл Республикын Тазалыкым аралыме министерствыштыже Тӱҥ врачын кечыже эртен. 

Мероприятийын официальный ужашыже «Шке ВИЧ-статусетым рашемде» всероссийский акцийыште чолган участвоватлыше-влаклан тауштымо серышым кучыктымо дене тӱҥалын.

Кардиологический черле-влаклан полышым пуымо нерген докладым Марий Эл Минздравын штат деч ӧрдыжсӧ тӱҥ кардиологшо С.Канышева ыштен. Совещанийыш погынышо-шамыч регионышто шӱм-вӱргорно системын тӱрлӧ черже дене орланыме ситуацийым рашемденыт, тыгай категорийыш пурышо черле-влаклан медицине полышым саемдаш лийме икмыняр йӧным лончыленыт.

Мокшын циррозшо дене орланыше-шамычым у семын эмлыме йӧн да тиде патологий деч колымо чотым иземдыме нерген министерствын штат деч ӧрдыжсӧ тӱҥ гастроэнтерологшо Л.Секретарёва каласкален. А Медицине информаций да аналитике рӱдерын начальникше Т.Королёва электрон подписьым кучылтмо проблеме дене палдарен.

М.ИВАНОВА.

Опубликовать в Мой Мир
Опубликовать в Одноклассники

Добавить комментарий