СПОРТ

Шулдырым пуэда – чоҥешта!

Медведево районысо Пиясир (Нурма) села пеш кугу огыл гынат, тыште ятыр кидматстар, тале спортсмен, ойыртемалтше еҥ-влак илат. Калыкшат  поро чонан, виян, ушан-шотан, манаш лиеш. Таче сай да поро мутым ты селаште илыше ик чолга ӱдыр нерген ойлымем шуэш. Тиде – Кристина Смирнова. 

Ӱдыр изинекак сайын тунемын, физкультурлан шӱман лийын, тӱрлє конкурслаште мастарлыкшым ончыктен, таҥасымашлаште вийжым терген. Школышто физкультурым туныктемат, спортышто сферыште ойыртемалтмыжым палемдынем.

Кристина физкультур дене ик гана веле огыл олимпиадыште участвоватлен, районышто икымше верыш лектын. Республик кӱкшытаныштат вийжым терген, ойыртемалтын. Ӱдыр – лывырге капкылан, пеҥгыде койыш-шоктышан. Мыйын йоча-влакын ончыкылыкышт верч чон  йӱла, сандене жапым пайдалын эртарышт манын, илышыш у шонымашым шыҥдараш тыршем. 1994 ийыште верысе культур пєртыштє кумылан-влаклан спорт куштымаш кружокым почаш темленам. Тыгай темлымашлан куаненыт веле. Туштыжо кумылан-влак аэробикым, хип-хопым шотыш налын куштеныт. Варажым эстрадымат пуртымо, марий сем почешат куштеныт. Участник-влак «Стиль-фантазия» конкурсышто мастарлыкыштым тергеныт, калык ончыко изи концерт дене лектыныт. Тыгай кружокым самырык-влак шкештым сценыште кучен моштышт, капкылыштым лывыртышт, ончыкшым лӱдын, вожыл, єрын ынышт шого манын шонен почмо. Лектышат куандарыше лийын.

Кумданрак — «Марий Эл» газетын
2017 ий 23 декабрьыште лекше номерыштыже лудын кертыда.

Л.Эшплатова.
Медведево район,
Нурма кыдалаш школышто
физкультурым туныктышо.

Опубликовать в Мой Мир
Опубликовать в Одноклассники

Добавить комментарий