КАЛАСЕ, "МАРИЙ ЭЛ"

Каласе, «Марий Эл»…: Таҥасымаш лиеш мо?

Йошкар-Оласе «Марий Эл» ий полатыште икмыняр ий почела синхрон куштымаш дене Россий кӱкшытан первенстве эртен. Тушто республикна  гычат команде вийжым терген. Мыланем спортын тиде мотор видше моткоч келша, эреак ончаш тыршем. Палымем шуэш: тений синхрон мунчалтымаш дене таҥасымаш тыште лиеш мо да, кызыт верысе «Ариада» команде могай результатым ончыкта? 

Е.Васильева.
Медведево район.

Синхрон мунчалтымаш дене Волжск ола гыч «Ариада» 1-ше разрядан-шамыч коклаште (тренерышт Р.Великанова) ден Йошкар-Ола гыч «Сайлан» (16 еҥ, тренерышт Е.Батурина, спорт мастерыш кандидат-влак коклаште) команде-влак икмыняр гана вийым тергеныт. Тиде мунчалтымаш мемнан дене у видлан  шотлалтеш, но спортсмен-влак тыршат, сай результатым ончыктат.

Шукерте огыл «Ариада» команде Россий кубокын III этапыштыже (тудыжо Тольяттиште лийын) таҥасен, кумшо верым сеҥен налын. Новоуральскыште  II этапыште икымше разрядан участник-влак коклаште кокымшо верыш лектын. Тӱрлӧ амаллан кєра ноябрь тӱҥалтыште Москошто эртыше I этапыште волжан-влак таҥасымаште лийын огытыл.

20-22 декабрьыште синхрон мунчалтымаш дене турнирын черетан IV этапше адакат Йошкар-Оласе «Марий Эл» ий полатыште эрта.  

Е.Эшкинина.

Опубликовать в Мой Мир
Опубликовать в Одноклассники

Добавить комментарий