«МАРИЙ ЭЛ» ТАЧЕ ЯЛ ИЛЫШ

Шочмо йылме верч Шеҥше калыкат тургыжлана

Уремыште ночко, игече пылан. Кава гыч йӱр йӧршан лум йога. Печать пӧрт ончылно газет редакцийын машинаже воктене водительна Иван Александров тошкыштеш, тора корныш лекме деч ончыч иктым, весым онча. Кандаш шагат эртымеке, «Марий Эл» газет вуйлатышын алмаштышыже Светлана Пехметова, фотокорреспондент Михаил Скобелев, мый да Марий тӱвыра рӱдерын пашаеҥже, газетнан поро йолташыже Геннадий Григорьев Морко районысо Шеҥше кундемыш «Марий Эл» ден «Сурт-печым» лудшо-влак деке тарванышна. 

Йошкар-Олам лекмеке, пӱртӱсым эскерен, икте-весе дене тӱрлӧ нерген мутланен кудалына. Корно воктене шогышо пушеҥге, кушкыл-влакым йӧратен ончена. Нунышт ты кечын путыракат моторын койыныт. Кава гыч йогышо тыгыде ночко лум ик жаплан ужгам чиктен. 

Кок шагат наре гыч Шеҥше селаш миен пурышна. Икмыняр жап гыч школ декат миен шуна. Кудывечыш пурымеке, корно кок велне шогышо пушеҥге-влак укшлаштым ӱлыкӧ сакеныт, пуйто кажне толшым тыге порын вашлийыт. А мыняр тушто шырчык омартажым вераҥдыме?! Эх, ик жаплан шошо пагытыш пӧртылаш да шӱшпык мурым колышт шинчаш ыле, шоналтышым семынем. Умбалнырак олмапу-влак рат дене шогат. Йырваш —  эрыктыме, ару.

 

Кумданрак — «Марий Эл» газетын
2017 ий 9 декабрьыште лекше номерыштыже лудын кертыда.

Алевтина Байкова.
М.Скобелевын фотожо.  

 

 

 

Опубликовать в Мой Мир
Опубликовать в Одноклассники

Добавить комментарий