КАЛАСЕ, "МАРИЙ ЭЛ"

Лудшын йодмыжо почеш: Кушто муаш, кӧ деч йодаш?

Пытартыш ийлаште Кугу Отечественный сарыште лийше-влакын персональный данныйышт дене палдарыше документ-влакым Интернет полшымо денат муаш йӧн лектын. А тыгай уверым кычалше-влак улыт. Сандене нунылан полшымо амал денак тыгай адрес-влакым савыктена. 

 www.podvignaroda.ru – Тиде сайт 1941-1945 ийласе Кугу Отечественный сар годым  тӱрлӧ награде дене палемдалтше-влак нерген документым арала. 
 www.obd-memorial.ru –  сар годым да тудын  вара  увер деч посна йомшо салтак-влак нерген каласкала.

 www.pamyat-naroda.ru – салтак-влакын кушто колымышт, службым эртымышт, могай сеҥымашыш але тукарыш шумышт нерген рашемдаш полша.

www.rkka.ru/ihandbook.htm –  1921 гыч 1931 ий марте «Йошкар Знамя» орден дене палемдалтше-влакын спискышт ончыкталтын.   
www.moypolk.ru – тылыште тыршыше  – илыше, колышо, увер деч посна йомшо – салтак-влак нерген пален налаш йӧным пуа. Архив «Курымашлык полк» общероссийский акцийын участникше-влакын тыршымыштлан кӧра ышталтын.

www.dokst.ru  – немыч пленыште илыш гыч кайыше-влакын спискыштым муаш лиеш.

www.polk.ru  –  ХХ курымысо сарлаште увер деч посна йомшо совет да руш салтак-влак нерген уверым арала (тушто «Кугу Отечественный сар» да «Кучыктыдымо награде-влак» лаштык-влакат улыт).
www.pomnite-nas.ru – воин-влакын шӱгарлашт кушто верланымым да нуным войзен налме сӱретым  рашемдаш лиеш.

www.permgani.ru  – Перьмысе кугыжаныш архивын сайтше. Тушто Пермь кундемыште шочын-кушшо, Прикамье кундем гыч салтакыш кайыше да пленыш, а вара шочмо кундемыште фильтрацийыш логалше-влак нерген материал чумыралтын.

Куд томан «Имена солдатских медальонов» книгам шерын лекташ отечестворт.рф але rf-poisk.ru сайтлаш пурыман. Тушто сар жапыште колышо, вара кычалме паша годым капыштым мумо еҥ-влакын кӧ улмыштым  рашемдыме фамилий-влакым муаш лиеш.

rf-poisk.ru/page/34/ да soldat.ru сайтлаште Афганистаныште, Чечняште колышо-влак ончыкталтыныт. Материал могай войскаште, частьыште, соединенийыште служитлымыштым шотыш налын, чумыралтын.

memento.sebastopol.ua сайтыште Крымысе виртуальный некрополь ончыкталтын,  а memory-book.com.ua сайтыште Украинын «Шарнымаш книгаже» савыкталтын.

soldat.ru сайтыште военнослужащий-влакын пӱрымашышт нерген палдарат
oldgazette.ru сайт сар жапысе тошто газет-влакым ончен лекташ йӧным пуа.  Боевой операций-влак нерген возымым да мемуар-влакым  www.rkka.ru сайтыште вераҥдыме.

www.rkka.ru сайтыште сарын йыжыҥже, операцийже-влак дене палдарыше военный карт-влак ончыкталтыныт. 

www.rf-poisk.ru сайт Российысе поисковый движенийын официальный сайтшылан шотлалтеш.

Федеральный архив агентствын (www.archives.ru),  Россий Архивын (www.rusarchives.ru), Оборно минстерствын архившын (archive.mil.ru),  Российысе кугужаныш военный архивын (rgvarchive.ru), Социально- политический информацийын Российысе кугыжаныш  архившын (rgaspi.org) да Военно-морской флотын Российысе  кугыжаныш  архившын  (rgavmf.ru) сайтлаштыже салтак-влак нерген шуко уверым пален налаш лиеш.

Российыште федеральный да  региональный архив-влакын спискышт victory.rusarchives.ru сайтыште ончыкталтын.

Тыгак РФ Обороно минстерствын (www.mil.ru), Российысе военно- исторический обществын (www.histrf.ru),  Российысе георгафический обществын (www.rgo.ru) сайтше-влакын адресыштым ончыктен кодаш лиеш.

С.Носова ямдылен.

Опубликовать в Одноклассники

Добавить комментарий