КУЧЕМ УВЕР

Кӧ мом ыштышашым палемдыме

Марий Эл вуйлатыше Александр Евстифеев «Марий Эл Республикын правительстве председательже, Марий Эл Республикын правительстве председательжын икымше алмаштышыже да алмаштышыже-влак коклаште обязанностьым шеледымаш» кӱштымашым подписатлен. 

Тиде документыште правительстве председатель ден правительстве член-влакын могай структур подразделений-влаклан мутым кучымышт палемдалтын:  

Правительстве председательын икымше алмаштышыже Михаил Васютин: тӱвырам вияҥдымаш, СМИ, печать, образований да науко, архив паша, Марий Эл Республикыште туризм да спорт; молодежный политике да патриотический воспитаний сферылаште   кугыжаныш национальный политикым илышыш пуртымаш, религий ушем-влак дене вашкылым ыштымаш.

Правительстве председательын икымше алмаштышыже Андрей Россошанский: чоҥымо паша, архитектур, градостроительстве, илыме вер да коммунал озанлык, топливно-энергетический комплекс, экономике, промышленный производство, кӱртньыгорно, юж, вӱд, автомобиль транспорт, корно озанлык, тарифым регулироватлымаш, предпринимательстве, торговльо, общественный питаний да потребительский услуго сферылаште кугыжаныш политикым илышыш шыҥдарымаш; Марий Эл Республикыште проект пашам эртарымаш.

Правительстве председательын икымше алмаштышыже Сергей Сметанин: Марий Эл правительствын общественно-политический направленийже дене пашам ыштымыжлан, тӱнямбал юстицийым вияҥдымашлан, пого кыл сферыште кугыжынаш политикым илышыш пуртымылан, республикыште единый финанс, бюджет, налог политикым ыштымылан,  пӱртӱс дене пайдаланыме да йырым-йырысе средам аралыме сферыште, республиканский бюджетшын доходшым йомдарымылан компенсацийым ыштышашлан ешартыш финанс ресурсым кондышашлан шуктымо пашалан.

Правительстве председательын алмаштышыже Степан Воронцов: коррупций ваштареш кучедалме, правонарушений профилактике, правопорядкым эскерыме, калыкым, чылалан огыл палышаш уверым аралыме, чрезвычайный ситуацийым шижтарыме да пытарыме, кыл, казак обществе-влак дене вашкыл, кугыжаныш управлений сферыште увер да коммуникаций технологий-влакым вияҥдымаш да шыҥдарымаш, тыгак тудо граждан-влакым военный сборыш чумырымо, военный службо призыв пашашке ушна.

Правительстве председательын алмаштышыже Илга Дравниеце: тазалыкым аралыме, калыкым социально аралыме, пашам ситарыме, паша да социальный кыл, еш политике сферылаште кугыжаныш политикым шуктымылан. Тазалыкым аралыме, Социальный вияҥмаш министерстве-влакын, Паша да калыклан пашам ситарыме департаментын пашаштым виктара.

Правительстве председательын алмаштышыже Андрей Костенко: РФ Президент пелен Марий Эл Республикын постоянный представительствыжын пашажлан мутым куча, тиде представительствым вуйлата. Россий Президент дене кылым ыштымаште Марий Эл Республикын кугыжаныш кучемжын органже-влакын интересыштым ончыктен шога.   

Правительстве председательын алмаштышыже Юрий Сидыганов: ялозанлык да агропромышленный комплекс, ветеринарий областьлаште кугыжаныш политикым илышыш пуртышашлан, ялозанлыкым вияҥдышашлан научно-технический пашам эртарымым виктарымылан, кочкыш йӧрварын качествыжым да лӱдыкшыдымылыкшым тергымылан да контрольышто кучымылан, ветеринар-профилактике, эмлыме пашам эртарымылан да моло ветеринар услугым пуымылан, самоходный машина да Марий Элыште техникын моло видшын технический состоянийыштым кугыжаныш велым эскерымылан мутым куча.

Тиде документ тушко кидпалым пыштыме деч вара илышыш пурен. Кӱштымаш дене Марий Эл Республикын официальный интернет-порталыштыже палыме лияш йӧн уло.

Л.Камалетдинова.

Если вы нашли ошибку, пожалуйста, выделите фрагмент текста и нажмите Ctrl+Enter.
Опубликовать в Мой Мир
Опубликовать в Одноклассники

Добавить комментарий