КАЛАСЕ, "МАРИЙ ЭЛ" СОЦИАЛЬНЫЙ ИЛЫШ

Каласе, «Марий Эл»…: Креслым кушто олмыктат?

Кодшо ий мучаште эргым аварийыш логале, тупрӱдыжым изишак эмгатыш. Врач икмыняр жаплан инвалид кресле-коляскыш шинчаш темлыш. Улан оксана ыш ситат, вич ий пайдаланыме кресле-коляскым кид гычын нална. Шукерте огыл тудо «чыгынаш» тӱҥале. Каласыза, пожалуйста, Йошкар-Олаште инвалид кресле-коляскым кушто олмыктат?

Л.Курочкина.
Кужэҥер район.

Йодышлан «Доступная среда» ресурс рӱдерын директоржо М.Сафин вашешта:
– Могай азапыш логалмыдам пеш сайын умылем, молан манаш гын шкежат кресле-коляске полшымо дене веле куснылам. Инвалид-влакын илышыштым умыленак, ноябрь тӱҥалтыште Йошкар-Оласе Машиностроитель уремын 16-шо №-ан пӧртыштыжӧ «Доступная среда» ресурс рӱдерым почын кертна. Тыште ынде реабилитацийлан кӱлшӧ пеш шуко сату, услуго темлалтеш, прокатат уло. Технический средствымат кӱлынак олмыктат.

М.ИВАНОВА.

Опубликовать в Одноклассники

Добавить комментарий