УВЕР ЙОГЫН

Шылтымылан кораҥденыт

Марий Турек районысо Марийский ял шотан илем погынымашын кок депутатше мандат деч посна кодын. Амалже – нуно 2016 ийлан шкеныштын, тыгак пелашыштын доходышт да погышт нерген чын огыл сведенийым пуэныт. 

Марий Эл прокуратурын палдарымыж почеш, мутлан, иктыже SsangYong Actyon кум внедорожник машинаже, Марий Элыште да Казаньыште 4 мланде участкыже улмым ончыктен огыл. Тиддеч посна банк счетшо-влак нерген тӱрыс уверым пуэн огыл. Адакшым ялозанлык производственный кооперативын правлений председательже улмымат палемдаш кӱлешлан шотлен огыл.

Вес депутат справкыште мланде участкыже да пелашыжын пӧртшӧ улмым ончыктен огыл.

Рашемдымашке прокуратурын ушнымыж деч вара верысе ял шотан илем погынымашын депутатше-влак черетдыме сессийыште нине еҥ-влакын полномочийыштым жап деч ончыч пытареныт.

Л.Камалетдинова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *