УВЕР ЙОГЫН

Шкан веле огыл ситара, ӧрдыжкат колта

Марий Эл вуйлатыше Александр Евстифеев кодшо кугарнян Кужэҥер районыш миен. Тушто «Акашевский» сурткайык фабрикын шылым перерабатыватлыше заводшын пашаж дене палыме лийын. 

Марий Эл вуйлатышын мер кыл да увер управленийжын палдарымыж почеш, предприятий мучко экскурсийым генеральный директор Андрей Пусько эртарен. Производство корпусын кумдыкшо — 16 тӱжем квадрат метр. Ойлымыж почеш, предприятийыште суткаште 300 тонн продукцийым ямдылат. Райрӱдӧ деч тораште огыл верланыше заводышто 1000 наре еҥ пашам ышта. Кокла пашадарышт 25000 теҥге.

Регион вуйлатыше продукцийым ямдылыме кажне этап дене палыме лийын, цехлам ончен савырнен.

— Кредит историй шотышто предприятийын нелылыкше уло. Кызыт фабрике экономический положенийжым саемда. Тиде писын огеш ышталт гынат, вашталтыш палдырна. Ме тыгай темлымашым ыштенна: упаковкышто «Марийский продукт» манын возыман бренд лийшаш, — каласен Александр Евстифеев.

Сурткайык фабрикын комбикорма заводшо уло. Тудо суткаште 1200 тонн комбикормам ямдыла. Пырчым аралыме хранилищат пашам ышта.

Фабрикын ик эн кӱлешан подразделенийже — кросс Cobb 500 I порядкан репродуктор. Тушко республикын тӱрлӧ кундемыштыже верланыше икмыняр площадке пура. Инкубаторий Российысе 20 утла сурткайык фабрикыш чывигым колта. Предприятийын 30 утла подразделенийже республикын 14 районжо гыч луыштыжо верланеныт да чылаже 5,5 тӱжем еҥлан паша вер лектын.

Л.Камалетдинова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *