КУЛЬТУР ДА ИСКУССТВО

Конкурс: Ижевск олан моторжо

17 декабрьыште Удмуртийыште  Ижевск оласе Руш тӱвыра рӱдерыште «Ижкраса-2017» национальный моторлык конкурс лиеш. Тудым «Ижевск мари» мер организаций Ижевск олан администрацийже, Кугыжаныш погынжо, Удмурт Республикын да Ижевск олан мер ушемла полшымышт дене эртара. 

Мероприятий Удмуртийыште илыше тӱрлӧ калыкын тӱвыраже, йӱлаж дене палдараш, калык коклаште келшымашым пеҥгыдемдаш ышталтын.

Конкурсышто усталыкым, моторлыкым 12 ӱдыр ончыкта. Нунын радамыште кок марий пампалчат уло: Карина Вахрушева (Удмурт кугыжаныш университет пеленсе профессиональный образований колледжын студенткыже), Алина Тимкова (Алнаш район Удмурт-Гондырево школын тунемшыже). Нунылан йӱкым «Ижкраса-2017» Интернет сайтыште але «Вконтакте» соцкылын «Конкурс Ижкраса 2017 Ижевск» лаштыкыштыже  пуаш лиеш.

Л.ШАБДАРОВА
Снимкыште:
Алина Тимкова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *