ТАЗАЛЫК

Шинчаваш: …Кажне минут шергакан

Таче айдеме тукымын илыш гыч кайыме ик эн тӱҥ амалжылан вӱр коштмо системын черже шотлалтеш. Колымаш структурышто икымше верым вуйдорыкысо вӱргорнын черже налеш.Тений куд тылзе жапыште 1962 еҥ лачшымак тиде амаллан кӧра уке лийын. Тиде чот гыч 185 еҥ вуйдорыкысо вӱргорнын чот пужлымыж дене орланен колен, 40 еҥ мӧҥгыштыжак пытен. Йодыш лектеш: нине черле молан медицине тӧнежыш полышым йодын толын огытыл? Нунын илышыштым иктаж-кузе арален кодаш лиеш ыле мо? Кучем ден медик-влак чот тыршат гынат, пытартыш ийлаште инсульт, инфаркт, гипертоний да вӱр коштмо системе дене кылдалтше моло чер деч колымо сӱрет молан ончылно кая? 

Тиде да моло йодышым Йошкар-Оласе эмлымверын вуйдорыкысо вӱргорнын пӱсӧ нарушенийже черан-влаклан неврологический отделенийым вуйлатыше Елена Шишкина дене лончылена.

– Российыште инсультын случайжым идалыкыште кокла шот дене пел миллион наре регистрироватлат. Елена Николаевна, кузе шонеда, тиде статистикым мо саемден кертеш?

–  Тидын шотышто, манмыла, ушан-шотан ошкыл-влак уже ышталтыт. «Тазалык» приоритетный национальный проектыш моло дене пырля «Вӱргорно чер дене орланыше-шамычлан медицине полышым саемдыме шотышто мероприятий комплекс-влак» компонентымат пуртымо. Тудын тӱҥ цельже – черланыме, колымо да инвалид лийме чотым иземдаш. Российыште 2008-2014 ийлаште первичный вӱргорно отделений ден регионысо вӱргорно рӱдер сетьым ыштыме. Марий Элыште Регионысо вӱргорно рӱдерым Йошкар-Оласе эмлымверын базыштыже почмо, первичный отделенийым – Волжский да Шернур районласе рӱдӧ эмлымверлаште.

– Кузе вара, илыш нине рӱдерын пайдалыкыштым пеҥгыдемден мо?

– Да. Медицине тӧнежлашке ойырен налме персоналым тиде пашалан лӱмын туныктымо. Рӱдер ден отделенийлаште келшыше материально-технический базым ыштыме. Пытартыш вич ийыште республикыштына вӱргорно системе чер деч колымаш 26 процентлан иземын, ты шотыштак инсульт деч – 49 процентлан.

Кумданрак — «Марий Эл» газетын
2017 ий 21 ноябрьыште лекше номерыштыже лудын кертыда.

Маргарита ИВАНОВА.
Снимкыште: Е.Шишкина.
Фотом Шишкинмыт ешын альбомжо гыч налме.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *