УВЕР ЙОГЫН

Пырляште веле сай кӱкшытыш шуат

Тыгай шонымашым ойлышт мӱкш ончышо-влакын «Вятка» областной мер организацийыштым ыштымылан 40 ий теммылан пӧлеклалтше регион-влак кокласе III съездыште. Тудо 10-11 ноябрьыште Киров олаште эртыш.  

Тушко республикна гыч Марий Эл Республикын ялозанлык да продовольствий министрже Ю.Сидыгановын вуйлатыме индеш еҥан делегаций миен. Съездыш Российын латвич регионжо гыч кучем орган-влакын еҥышт, мӱкшызӧ, специалист, шанчыеҥ-шамыч толыныт. Кугу погынымашын тӱҥ задачыже тыгай лийын: мӱкшызӧ-влаклан тыршашышт келшыше йӧным ыштыме шотышто мероприятий-шамычым ямдылаш, пайдале насекомыйым арален кодаш, тудын кӱлешлыкшым, тыгак мӱкш продукцийым пайдале кочкыш семын кучылтмо шотышто калыклан рашрак умылтараш, мӱкшызым пагалаш туныкташ, шкенан да йот элласе опытым кумданрак шараш, ялозанлык сатум ыштен налше ден мӱкшызӧ-влак кокласе кылым саемдаш.

Докладлаште ятыр темлымаш йоҥгалтыч, науко дене кылым пеҥгыдемдаш кӱлмӧ шуко ойым каласышт. Россий кӱкшытыштӧ «Пчелопром»  ушемым пытарыме деч вара мӱкш ончымо пашам кӱлеш семын виктарыше кучем уке гаяк. Ынде чумыр пашам Россий Ялозанлык министерствын вольык ашныме да племенной паша департаментшылан ӱшаненыт. Туштыжо, палемдышт съездыште, эсогыл келшыше специалистшат уке. Регионлаштат кызытеш ик ой дене пашам ыштыме шӱлыш ок шижалт, кугыжаныш могырым полыш пеш изи. (Ты шотышто Марий Элыште сӱрет ятырлан сайрак). Мӱкш ончымо дене кылдалтше законым икмыняр регионышто пеҥгыдемдыме гын, федеральныйжын проектше але мартеат Кугыжаныш Думо марте миен шуын огыл. Тидыже отрасльым вияҥден колтымаште кугу чаракым ышта, палемдышт форумышто.

Кумданрак — «Марий Эл» газетын
2017 ий 14 ноябрьыште лекше номерыштыже лудын кертыда.

В.Смоленцев.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

One thought on “Пырляште веле сай кӱкшытыш шуат

  1. Пoчтa Cервиc. Aвтoматичeский зaрабoток в интeрнeтe от 12 000 дo 34 000 P в день Нe выxодя из дoмa. Процесс заpабoтка полноcтью aвтoмaтизиpoвaн и пoнятeн дaже для новичka. С нaми зарабатывaют тысячи людей от 18 до 99 лeт. Для начaлa paботы, зaпycтитe программу, нажав kнопkу «запуск пpогpаммы». Из Отзывoв — «Работaлa ужe вo вcex cетевыx компанияx, нo тaкие выплаты вижy впepвые, и причем пpисылaют на кaрту мoмeнтaлbно. Живые дeньги этo cильнaя cтopонa проekтa «Пoчты».» tinyurl.com/yblwqaw3

Добавить комментарий

Ваш e-mail не будет опубликован. Обязательные поля помечены *