УВЕР ЙОГЫН

Икшыве да ме: Вӱрым налме станцийыште – экскурсий

Ноябрь тӱҥалтыште Вӱрым налме республикысе станцийын пашаеҥже-влак А.С.Пушкин лӱмеш 4-ше гимназийыште да Т.И.Александрова лӱмеш 11-ше №-ан лицейыште тунемше ӱдыр-рвезе-влаклан «Введение в донорство» теме дене экскурсийым эртареныт. 

Тунемше-шамыч донор, тудын пайдалыкше, тыгак донор лияш ямдылалтше еҥын тазалыкше нерген шуко уым да оҥайым пален налыныт. Экскурсий годым ӱдыр-рвезе-влак вӱрым налме, тудым эритроцитный массылан да плазмылан шеледыме, аралыме процессым шке шинчашт дене онченыт. Клинико-диагностический лабораторийыште айдеме вӱрын клеткыже-влакым микроскоп вошт эскереныт, донорын вӱржым шымлыме пашан кӱлешлыкшым пример дене рашемденыт.

Йоча-влак вӱрым налме паша дене кылдалтше ятыр йодышыштлан вашмутым муыныт. Илен-толын, нунын кокла гыч иктажше тышке ала донор семынат пӧртылаш кумылаҥеш.

М.ИВАНОВА.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *