КУЧЕМ УВЕР УВЕР ЙОГЫН

Инспектор калык дене вашлийын

Марий Элыште тӱҥ федеральный инспектор Петр Журавлев Юл кундем федеральный округышто Россий Президентын полномочный представительже Михаил Бабичын кӱштымыж почеш Кужэҥер посёлкышто приёмым эртарен. 

Тиде районышто пассажир-влакым шупшыктымо йодыш пӱсын шога. Райрӱдыштӧ, яллаште илыше калыкын мутшо почеш, тыште шуко еҥым шынден кертше автобус уке, Йошкар-Олашкат рейсым пеҥгыдемдыме огыл. Тидыже каныш кечылан ола гыч ялыш, тунемме арня тӱҥалтышлан ял гыч олаш кудалыштше студент-влаклан йӧндымылыкым луктын. Тӱҥ федеральный инспектор тиде обращений шотышто икмыняр запросым ыштен, а тудым шуктымо йодышым шке контрольышкыжо налын.

Калыкын чыла обращенийжылан умылтарымашым пуымо, а нунын шукталтмыштым Россий Президентын регионысо приёмныйжо ден прокуратурын органже-влак эскераш тӱҥалыт.

Приёмым мучашлымек, тӱҥ федеральный инспектор Токтайбеляк селасе школыш пурен лектын. Тений сентябрьыште тиде тӧнежын 1000 наре квадрат метр кумдык леведышыжым олмыктышашлан Россий Президентын резерв фондшо гыч 1,5 миллион теҥгем ойырымо ыле.

Тылеч посна Петр Журавлев Кужэҥер районысо патриот клуб вуйлатыше-влак дене совещанийым эртарен.

М.ИВАНОВА.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *