УВЕР ЙОГЫН

Александр Евстифеев налог орган-влакын эртарыме акцийыш ушнен

Марий Эл Республик вуйлатыше Александр Евстифеев погылан налогым жапыштыже тӱлымӧ шотышто налог орган-влакын эртарыме «Шкеч гыч тӱҥал – регионым вияҥдымашке ушно!» акцийыш ушнен. 

Налогшым А.Евстифеев «Физический лица-влаклан налогым тӱлышын личный кабинетше» гоч тӱлен. Тыгодым акцийын кӱлешлыкшым палемден, вет мландылан, транспортлан, физический лицан погыжлан налог муниципалитет-влакын бюджетыштым чумырымаште ик эн тӱҥ негызлан шотлалтеш. Лач тиде окса кӱшеш илемлаште корным тӧрлатат, уремым волгалтарат, кундемым тӱзатат, ятыр моло пашам ыштат.

— Налогым тӱлышын личный кабинетше дене мый кум ий пайдаланем. Тиде йӧн жапым аныклаш полша, налогым тӱлымым эскераш лиеш. Кугыжаныш службышто пашам ыштемат, кажне ийын декларацийым ямдылем. А тиде йӧн дене пайдаланыме йоҥылышым ыштыме деч утлаш полша, — рашемден Александр Евстифеев.

Тачысе кечылан личный кабинет дене республикыште 76 тӱжем еҥ пайдалана.

«Шкеч гыч тӱҥал – регионым вияҥдымашке ушно!» акций кажне ийын эртаралтеш. Федеральный налог службын Марий Элысе управленийжын палдарымыж почеш, ӱмаште эртарыме акцийын иктешлымашыж дене келшышын, 2015 ийлан налогым тӱлымӧ кугыт 350 млн тенгем эртен. Тидыже пӱтынь Российысе деч 7 процентлан шукырак лийын.

Ушештарена: погылан, мландылан, транспортлан налогым 1 декабрь марте тӱлен шуктыман.

Л.Камалетдинова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *