УВЕР ЙОГЫН

Йошкар-Оласе черке-влак воктене стенд-влакым вераҥдат

«Марий Элыште православный инициативе» грант проект конкурсышто Йошкар-Оласе турист информационный рӱдер сеҥышыш лектын. 

«Арален аралыме образ» проект дене келшышын, эртыше кечылаште Йошкар-Оласе Благовещенский, Вознесенский, Воскресенский, Троицкий храмла ончылно нунын нерген палдарыше информационный стенд-влакым вераҥдылыныт. Храмын историйыштым, QR-кодыштым, картыштым тушто ужаш лиеш.

Ты конкурсышто сеҥышыш лекше проект-влакым возышо-влак тудым илышыш шыҥдараш полшышо-влакым шке мушаш да 50 процент оксажым чумырен кертшаш ыльыч. Молыжым конкурсым эртарыше фонд ешарен.

Чылаже конкурсыш 34 йодмаш пурен, латнылытыше сеҥышыш лектын. Йошкар-Оласе турист информационный рӱдер сеҥышыш лекше проект кышкарыште «Православный Йошкар-Ола» экскурсий-влакым эртарен да ты шотыштак буклетым савыктен луктын.

С.Носова

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *