КУЛЬТУР ДА ИСКУССТВО

Тумна, лев, маска — чыланат пуйто илыше улыт

Сентябрь мучаште Чебоксар олаште «Калык йомак ден легенде» лӱман фестиваль эртен.  
Тушко Ямал-Ненец автономный округ, Челябинск область, Санкт-Петербург, Тольятти да Марий Эл гыч мастар еҥ-влак миеныт. Мемнан республикын чапшым Шернур район Ондроп почиҥга ялыште илыше уста кидмастар, сӱретче Владимир Антропов арален да кокымшо верыш лектын.

Тиде конкурсышто участник-влак шке калыкын йомакше гыч але легендыж дене кылдалтше геройым пу гыч бензопила дене пӱчкеден луктыныт.
– Тыгай шотан таҥасымашым поснак Чуваш мландыште чӱчкыдын эртарат. Но тушко тений икымше гана ушненам, – ойла мастар еҥ В.Антропов. – Конкурс кум кече шуйнен. Кажнынан полышкалыше лийын. Мый Чуваш университетын студентше дене чуваш таргылтышым пӱчкеденна. Тыге ме самырык-влакым ты пашалан кумылаҥденна да туныктенна манаш лиеш.

Кумданрак — «Марий Эл» газетын
2017 ий 11 ноябрьыште лекше номерыштыже лудын кертыда.

А.Байкова.
М.Скобелевын фотожо.

Опубликовать в Одноклассники

Добавить комментарий