УВЕР ЙОГЫН

Кок машинам пӧртылтеныт

Элкӧргӧ паша органлаште тыршыше-влакын кечышт вашеш Йошкар-Олаште общегородской гарнизонный строевой смотр да мер порядкым аралаш службыш шогалаш ямдылалтше полиций наряд-влакын разводышт лийын. 

Полицейский-влак дене пырля тушко частный оролымо предприятий ден добровольный калык дружинын еҥышт ушненыт. Нунын службым эрташ ямде улмыштым Марий Эл Республикын элкӧргӧ паша министрже, полицийын  генерал-майоржо Виктор Косарев терген.

Тиде мероприятийыш тыгак Марий Элыште тӱҥ федеральный инспектор Петр Журавлев, республикын правительствыж ден Йошкар-Олан мэрийже гыч почетан уна-влак, МВД пеленсе Общественный советын да ветеран-влакын организацийыштын еҥышт миеныт.

Министр Виктор Косарев вич ветеранлан пачер сравочым кучыктен да сайын пашам ыштымыштлан тауштен.

Поро йӱла почеш, гарнизонный развод годым кажне ийын еҥ-влаклан шолыштмо могай-гынат погыштым пӧртылтат. Тений иктыштлан «Соболь» ден «ВАЗ» машинаштым, весыштлан велосипедым да кок ноутбукым муын пуэныт.

Тиде мероприятий жапыштак полицийын эн сай пашаеҥже-влаклан  правительствын да ведомствын наградыштым кучыктеныт.

Л.Камалетдинова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *