«МАРИЙ ЭЛ» ТАЧЕ

«Марий Эл»: 2017 ий 11 ноябрь

11 ноябрьысе газет моло номерысе семынак тӱрлӧ уверлан поян. Тидын деч посна шуко оҥай материал савыкталтын. 

1938 ий 26 июньышто икымше гана Марий АССР-ын Верховный Советышкыже калык депутат-влакым сайлымаш эртен. Марий парламентлан 80 ий темме вашеш тудо пагыт да Марий АССР-ын I созыв Верховный Советышкыже сайлымашын кузе эртымыж нерген Марий Эл Кугыжаныш Погын Председательын алмаштышыже Анатолий Иванов дене Александр Петров мутланен.
«Кидмастар» рубрике ты гана Медведево район Кугуван ялыште илыше Верёвкинмыт еш дене палдара.

«Сылнымут садвече» лудшына-влакын возымыштым темла. Шернур вел гыч Д.Рычкова Марий Эл писатель ушемым вуйлатыше С.Григорьеван лӱмгечыжлан пӧлеклалтше пайрем гыч воза, а сӱретче И.Ямбэрде Арчуш Поткэн творчествыж дене палымым ышта.

«Ӱдырамаш корно» мужыр лаштык молгунамсе семынак ӱдырамаш, еш, йоча, йӧратымаш дене кылдалтше темылан возымо материаллан поян. Ты гана автор Л.Камалетдинова У Торъял кыдалаш школышто туныктышо Алевтина Стародубцева дене палымым ышта. Физике да математике дене шинчымашым пуышо педагогын тунемшыже-влак Ломоносов лудмашке, Юлтехын эртарыме шымлымаш проектыш, моло конкурслаш ушнат да кажне гана сеҥыше радамыш логалыт. Ончычсо семынак мужыр лаштыкыште психологын каҥашыжым лудаш лиеш, а кумыл толкын рубрике «Мо лиеш — чылажат сайлан гына» чынжымак лийше илыш сӱретым темла.

«Искусство» лаштыкыште А.Байкова «Оле Лукойе дене унаште» курчак театр-влакын II всероссийский фестивальышт нерген воза. Чылаже тушко 5 театр коллектив толеш. Нуно могай спектакльым кондат — тидын да моло нерген луднеда гын, «Марий Эл» газетым налза, вет ме тудым лач тыланда луктына.

Г.Кожевникова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *