СОЦИАЛЬНЫЙ ИЛЫШ

Общероссийский калык фронт: Пандус йӧрдымӧ, вӱрым огыт нал…

Общероссийский калык фронтын Марий Элысе пӧлкажын еҥже-шамыч районласе рӱдӧ эмлымверлаште пуымо услуго-влакын качествыштым умбакыже аклат. 

Тиде гана нуно У Торъял ден Шернур районласе эмлымверлашке лектын коштыныт. Тушто тӱҥ врач, медпашаеҥ, пациент-влак дене мутланеныт да калыкын могай нелылык, ситыдымаш дене тӱкнымыжым рашемденыт. Мутлан, У Торъял районысо рӱдӧ эмлымверын пациентше-влак аҥысыр специальностян врач да вашкеполыш машина ситыдымылан вуйым шийыныт.

Эмлымверым ончен лекмек, «фронтовик-влак» рашемденыт: инвалид коляске дене куснылшо пациент-шамыч пӧртӧнчыкӧ шке семынышт логалын огыт керт, молан манаш гын пандус строительный нормо ден правиллан келшен ок тол. Шернур районысо рӱдӧ эмлымверыште общественник-шамыч поликлиникымат, стационарымат тергеныт. Воктен верланыше вич районысо калыкым обслуживатлыше стационарыште нимо уто-ситым муын огытыл гын, поликлиникыште пациент-шамыч реагент укелан кӧра вӱрым налаш чарнымылан вуйым шийыныт. Тӧнежын администрацийже тиде ситыдымашым лишыл жапыште тӧрлаташ сӧрен.

«Кодшо кеҥежым ме республикысе моло районлаштат лийынна. Иктешлен каласаш гын, эмлыме тӧнежлаште ситыдымаш-влак икгайрак улыт. Конешне, нине поликлиникыласе ситуацийым эскераш тӱҥалына, кӱлешак гын, тудым кораҥдыме йодыш дене регионысо Тазалыкым аралыме министерствыш лектына. Республикысе калыкым тыгак narocenka.ru проектыш ушнаш да тиде сайтыште поликлиникын веле огыл, тыгак школын, йочасадын да социальный сферыш пурышо моло организацийын паша качествыштым аклаш ӱжына», –манеш ОНФ-ын регионысо «Социальная справедливость» пашаче группыжым вуйлатыше Ольга Цветкова.

М.ИВАНОВА.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *