ПЕНСИЙ СОЦИАЛЬНЫЙ ИЛЫШ

Пенсий фонд увертара: Икшывын ача-аваже уке гын…

2018 ий 1 январь гыч социальный пенсийын у видше лектеш. Тудо палыдыме ача-аван икшыве-шамычлан ойыралтеш. 

Кызыт Россий Пенсий фондын Марий Элысе пӧлкаштыже нине йоча-влакын спискыштым ямдылат. Таче кечылан пеҥгыдемдыме тыгай статусым 5 икшывылан пуымо. Кудалтыме йоча-влакын пенсийышт тулык икшыве-шамычлан пукшышым йомдарыме шот дене тӱлымӧ социальный пенсийын кугытшо нарак – тылзеш 10068 теҥгеат 53 ыр – лиеш. Тудо 18 марте ийготан йоча-влаклан палемдалтеш. Икшыве очный формо дене тунемеш гын, пенсийым 23 ийым темымешкыже тӱлен кертыт. Кудалтыме йочам ешыш ӱдыр але эрге шотеш налыт гын, социальный пенсийым вес тылзе гыч пуымым чарнат.

Кудалтыме йоча-влаклан социальный пенсийым палемдышашлан тудын шочмо нерген свидетельствыже (тушто ачажат, аважат лийшаш огытыл) але загс органын келшыше сведениян документше кӱлыт. Тиде сомылым икшывын закон дене палемдыме еҥже шуктышаш. 14 ийым темыше йоча йодмашым шке возен кертеш.

М.ИВАНОВА.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *