УВЕР ЙОГЫН

Этнокультур сынан видеокӱвар

Тольятти олаште Финн-угор-калык-влакын кечыштлан пӧлеклалтше Самара ден Тверь область-влак коклаште шкешотан этнокультур сынан видеокӱвар эртен. 

Тверь кундемын М.Горький лӱмеш книгагудыжо, карел-влакын оласе НКА-шт, финн-влакын национальный ден тӱвыра рӱдерышт, эстон общине, мордва-шамыч Тверь областьыште илыше финн-угор калык-влак дене палдареныт.

Тольяттисе книгагудо видеокӱвар полшымо дене марий ден мордва калык-влакын тӱвырашт дене лишкырак палымым ыштен.

Тольяттиште шуко тӱрлӧ калык ила. Нунын коклаште марийже – 1100 еҥ. Олаште марий-влакын обществышт але уке, но калыкнан чолга еҥже-влак Жанна Коржакова ден Людмила Дёмина (Башкортостан), Зинаида Левукова (Марий Турек район Сардаял) Марий тӱвыра рӱдерым ыштынешт.

Видеокӱвар гоч Зинаида ден Владимир Левуковмыт марий калыкын вургемже, аралтышыже, кочкышыж нерген каласкаленыт. Ӱдырамаш вашлиймашке перемечымат кӱэштын конден. А Левуковмытын «Ялкын» дуэтыштын «Марий ӱдыр» мурыжо видеокӱварын кок велныжат улшо чыла еҥын чоныштым тарватен.

Ончыкыжым элнан тӱрлӧ лукыштыжо илыше калык-влак кокласе тыгай шотан видеовашлиймашым чӱчкыдынрак эртараш мутланен келшеныт.

В.ЛЕВУКОВ.
Авторын фотожо.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *