УВЕР ЙОГЫН

Ончыкылык шўдыр-влаклан – таза кочкыш

Медведево посёлкысо «Витязь» ФОК-ышто мини-футбол дене «Ончыкылык шӱдыр-влак» турнир иктешлалтын. 

Республик кӱкшытан таҥасымаште  2006-2007 ийлаште шочшо рвезе-влак вийыштым тергеныт. Турнирыште чылаже 12 команде таҥасен. Эн тале команде коклашке «Сернур» (Шернур), «Динамо» (Йошкар-Ола), «Марс» (Лӱльпан), «Зелёный ключ» (Йошкар-Ола), «Витязь» (Медведево) логалыныт. Изи футболист-влак мастарлыкыштым ончыктеныт да, виянрак командылан шотлалтше рвезе-шамыч дене модын, опытым погеныт.

«Витязь» клубын кубокшо Шернур посёлко гыч «Сернур» футбол клублан логалын. Рвезе-влак ӱшанлын икымше верым сеҥен налыныт. Кокымшыш «Динамо», кумшо верыш «Марс» команде-влак лектыныт.

Тиде турнирым эртараш «Шернур сырзавод» ЗАО полшен. Ойыртемалтше футболист-влаклан предприятийын пашаеҥже ыштен лукмо кочкыш сатум кучыктен.

Е.Эшкинина.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *