ӰДЫРАМАШ КОРНО

Палыме лийза: У вуйлатыше у семын?

Шукерте огыл Волжский районысо «Москва» СХП ООО-што вуйлатыше вашталтын. Ынде тиде озанлыкым Р.Григорьева вуйлата. Эртыше кечылаште ты кундемыште лийна да Роза Алексеевна дене вашлийна, тудлан икмыняр йодышым пуышна. 

– Роза Алексеевна, эн ончычак у паша вер дене саламлена. У вуйлатыше деч у вашталтышым вучыман?

– Тау. Ялозанлык пашашке вучыдымын логалынам. Сандене шкежат эше тунемам веле. Но паша оҥай. Мый тиде пашаште але тылзе веле улам. Чылажланат жап кӱлеш. Чыла ончен, терген лекман. Можыч, иктаж специалист кӱлеш лиеш. Вара могай-гынат темлымаш лийын кертеш. Пашам йӧратет гын, ышташ лиеш. Ит ӧркане веле. Шонымашем тыгай: калыклан полшаш, икте-весым умылен,  тӱҥалме пашам умбакыже вияҥдаш, озанлыкым кӱшнӧ кучаш, чапшым волташ огыл.

– Ялеш шуаралт кушшылан тугеже паша ужак манаш ок лий? Эр кече кузе тӱҥалеш?

– Тыгеат манашат лиеш. Чылажат палыме, но садак чыла вереат шке ойыртемже уло. Эр кынелшылан Юмо полша, маныт. Машинавечыштат лийман, тушечын комплексыш кайыман. Нуно икте-весышт деч тораште верланеныт.

 

Кумданрак — «Марий Эл» газетын
2017 ий 4 ноябрьыште лекше номерыштыже лудын кертыда.

Е.Эшкинина мутланен.
М.Иванован фотожо.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *