УВЕР ЙОГЫН

Ынде модаш веле огыл лиеш

«Оласе среда» проект дене келшышын, эртыше кечылаште Параньга посёлкысо Гайсин уремыште кок йоча площадкым почыныт. 

Ончыч иктым гына ыштынешт улмаш, но тушто илыше-влак коктым ышташ йодыныт: иктыжым йоча-влаклан модаш, весыжым — спорт дене кылым кучаш. Сандене икшыве-влаклан лӱҥгалтышым, курыкым, ошма дене модмо верым монь келыштарыме гын, вес площадкыште тӱрлӧ тренажер дене пырля волейболла модаш вер улыт.

Площадке йыр туйым, каштаным, моло кушкылым шындыме. Нуным лӱмын Йошкар-Оласе Ботанический сад гыч кондымо. Кастенат волгыдо лийже манын, ты верым электротул дене волгалтарыме. Ынде ночко игечыштат модаш да спорт дене заниматлаш йӧнан: асфальтым шарыме. Чыла тиде паша милионнат пеле теҥгешке шуын.

С.Носова.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *