ТЕАТР

Йодыш-вашмут: Тыге налаш лиеш мо?

М.Шкетан лӱмеш Марий национальный драме театрыш спектакльым ончаш ял гыч толаш шонышо-шамычлан южгунамже билетым ончылгоч налын шуктыман. Уке гын сай вер огеш код. Спектакльыш билетым онлайн йӧн дене налаш лийме нерген колынам ыле. Кузе тудым ышташ лиеш. 

Ала умылтареда ыле?

З.Лаврентьева,
Марий Турек район.

Йодышлан М.Шкетан лӱмеш Марий национальный драме театр вуйлатышым алмаштыше Надежда Мамаева тыгерак вашештыш:

— Театрыште эртаралтше кеч-могай мероприятийыш билетым, онлайн йӧн дене пайдаланен, налаш лиеш. Тидлан теве мом ыштыман:

  1. Шкетан лӱмеш драме театрын сайтышкыже пурыман;
  2. «Афише» манын возымым темдалман;
  3. Могай спектакльыш толнеда, тудын йымалан «Купить» манме шомакыш темдалман;
  4. Келшыше радамым, верым ойырен налман да банк карт гоч оксам тӱлыман.
  5. Тендан электрон почтышкыда билет толеш. Тудым печатлен луктыда да театрыш пурымо годым ончыктеда.
Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *