ЭКОЛОГИЙ

Йодыш — вашмут: Ночко игече мешаен

Тений кеҥежым шотан игече лийдымылан кӧра кайыклудын чотшо шагалемын, маныт. Игече чынжымак игым лукмылан мешаен кертеш мо? 

Н.Сверчков.
Медведево район.

Йодышлан Марий Элын Чодыра да сонар озанлык министерствыжын пресс-службыштыжо вашештеныт:

— Тений кеҥежым министерствын специалистше-влак сонарлыме озанлык пашаеҥ-влак дене пырля вӱдыштӧ ийын коштшо кайыквусын, тыгак кӱдырын, кузе игым луктын, чотышт шукеммым тергеныт. Шотлен лекме почеш, кодшо ий дене таҥастарымаште, тений вӱдышто ийын коштшо кайыквусын чотшо 7 процентлан иземын, а кӱдырын — 12,8 процентлан. Тений игыжат шагалрак шочын. Сандене сонарлышашлык кайыквусо шагалрак лиеш. Мо дене тиде кылдатын? Тӱҥ шотышто иге лукмо жапыште эре ночко игече шоген. Вӱдыштӧ илыше кайыквусын муным оптыман ятыр пыжашыже вӱдыш каен. Сандене, мутлан,  кайыклудо-влакын пӱктен лукшашлык муным уэш мунчымо сӱретат палдырнен. Кӱдырланат игым лукташ уда игечак мешаен.

Шотлен лукмо почеш, вӱдкомакынат чотшо иземын. Но тыште вес амалат лийын кертеш: ночко игече шогымылан кӧра специалист-влаклан нунын деке миен шуаш нелырак лийын. Сандене чылажак огыл вӱдкомак шотлымашке логалын.

С.Носова

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *