МЕР ИЛЫШ

Калыкнан ончыкылыкшым шке виктарышаш улына

Марий калык пытартыш 100 ий жапыште могайрак корно дене вияҥын? А 5, 20, 50, 100 ий ончыко могай задачым шында? Наций семын вияҥме корнына раш мо? Тӱнямбал калык-влак деч вараш кодаш огыл манын, мом ыштыман? Йодыш, йодыш… Калык семын аралалт коднена гын, илыш-йӱланат жаплан келшыше, у форматыште лийшаш. Марий элитым ямдылыме пашамат вияҥден колтыман. Политике, экономике илышыште марий верже нергенат рашлык кӱлеш. Манмыла, калыкнам «уэмдыме», тудым вестӱрлемдыме шотышто мер организаций-влак мом ыштышаш улыт да мом темлат? 

Нине йодышым историй науко кандидат Н.Попов «Марий общественностьын шонымашыже — тачысе кече гыч ончымаште» теме дене «йыргешке ӱстелыште» каҥашаш, темлымаш-влакым ышташ ӱжеш. Мерприятий 1 ноябрьыште 14 шагатлан МарНИИЯЛИ-ште эрта.

С.Пехметова.

Опубликовать в Мой Мир
Опубликовать в Одноклассники

Добавить комментарий