УВЕР ЙОГЫН

У ийлан 10 кече канена

Шушаш 2018 ийыште каныш кече-влак кунам лийме нерген пунчал йымалан кидшым Россий премьер-министр Дмитрий Медведев пыштен. 

Пунчал дене келшышын, 2018 ийыште 6 ден 7 январь каныш кече-влак шуматкече да рушарнялан логалыт. Сандене нуно 9 мартыш да 2 майыш кусаралтыт. Тыгак 28 апрельысе каныш кече 30 апрельыш, 9 июнь – 11 июньыш, шочмыш, 29 декабрь 31 декабрьыш, шочмыш куснат.

Тыге У ийлан ме 10 кече – 30 декабрь гыч 8 январь марте канаш тӱҥалына. Пашашке 9 январьыште лектына.

Элым аралыше-влакын кечышт лӱмеш 23 гыч 25 февраль марте каныш кече-влак вучат.

Тӱнямбал ӱдырамаш кече лӱмеш ныл каныш кече – 8 гыч 11 март марте – канена.

Май пайремлан тыгак ныл кече — 29 апрель гыч 2 май марте – канаш тӱҥалына.

9 майыште палемдалтше Сеҥымаш кечынлан канаш ик кече веле пуалтеш.

Российын кечыже лӱмеш гын 10 гыч 12 июнь марте канена.

Кум каныш кечак Икоян улмо кече лӱмеш 3 гыч 5 ноябрь марте пуалтеш.

Л.Камалетдинова. 

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *