УВЕР ЙОГЫН

Морко поселкышто верланыше пушенгым обрабатыватлыше цех йӱлаш тӱҥалын

Кодшо кечылаште Морко поселкышто верланыше пушенгым обрабатыватлыше цех йӱлаш тӱҥалын. 

Коштымо камерыште тул ылыжмым кочегар-шамыч йӱдым ужыныт да тудым шке вийышт дене йӧрташ тыршеныт. Но пожарым чактарен кертын огытыл. Тудо утыр веле шарлен. Тунам пашаеҥ-влак пожарный-шамычым ӱжыктеныт. Нунын толын шумыштлан тул 240 наре квадрат метр кумдыкым авалтен улмаш. Пожар зданийын леведышышкыже куснаш тӱҥалын. Пиалеш, пожарный-влак тудым йӧртен, тыгак пошкудо коштымо камерыште аралалтше продукцийым утарен коден кертыныт. Туге гынат тул ик камерым пытарен, пошкудо оралтым локтылын.

Пожар тӱньыкын локтылалтше улмыжлан кӧра тӱҥал кертын манын палемдалтеш.

Л.Камалетдинова.

Опубликовать в Мой Мир
Опубликовать в Одноклассники

Добавить комментарий