УВЕР ЙОГЫН

«Парижыште» шоган шӱрым шолтеныт

Марий Элысе уголовно-исполнительный системын пашаенже-влак коклаште кажне ийын шыжым кочкыш конкурс эртаралтеш. 

Ты гана тудо молгунамсе деч ойыртемалтын – темыже «Тӱнямбал калыкын кухньыжо» лийын, палдара республикысе УФСИН-ын пресс-службыжо.  А кӧн могай калыкын кулинар искусствыжым ончыктышашым жеребьевкым эртарен палемденыт.

Конкурсын условийже дене келшышын, команде-влаклан тиде я тудо калыкын кочкышыжым ямдылаш веле огыл, эше тудын йӱлажым ончыктен, вургкмжым чиен, моло йӧным кучылтын, калык да тудын кочкышыж дене палдараш кӱлын.

Жюрин иктешлымашыж почеш, конкурсышто управленийын командыже эн чот ойыртемалтын да сеҥышыш лектын. Тушко ушнышо-влак Парижысе кафем, сӱретчым оҥайын модын ончыктеныт, шоган шӱрышт дене сийленыт.

«Шокшо кочкыш» номинацийыште икымше вер дене ИК-4 командын шолтымо шурпажым палемденыт. Эн сай йӱштӧ кочкышлан МЧС командын сельд гыч хе кочкышыжым шотленыт. Эн тамле йӱыш семын 7-ше номеран колонийын ямдылыме итальян аранчатым ойырен налыныт.

Л.Камалетдинова.
А.Канатеевын фотожо

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *