КРИМИНАЛ УВЕР ЙОГЫН

Марий Турек районышто тракторист колен

Марий Турек районысо ик пасушто олымым тюкыш пӱтырымӧ годым 44 ияш механизатор колен. 

Ял воктене пресс-подборщик дене ыштымыж годым техникын кардан валышкыже шижде-годде вургемже логалын да пӱтырналташ тӱҥалын. Векат тиде пеш писын ышталтын, сандене трактористын капше гыч вургемжым мучыштарен утлаш жапше лийын огыл. Полышкалышыже лиеш гын, тыгай туткар ок ышталт ыле. Чот сусыргымылан кӧра пӧръеҥ верешак колен.
Шернур межрайонный следствий отдел тиде туткар шотышто тергымашым эртара, азап лийме амалым шымла. Иктешлымаш могай лиймым ончыде, уголовный делам тарваталтеш.

А.Андреев

Опубликовать в Мой Мир
Опубликовать в Одноклассники

Добавить комментарий