УВЕР ЙОГЫН

Правилым пудыртат

Тений талук тӱҥалтыш гыч республикысе корнылаште пассажирым шупшыкташ лицензиян автобус водитель-влакын титакыштлан кӧра 12 азап лийын. А чылаже пассажирым шупшыктышо ты транспорт 34 гана корно туткарыш верештын. 

Тыгодым кум еҥ колен да 94 еҥ тӱрлӧ семын сусырген. Автобус-влак дене кылдалтше 34 аварий гыч латиндешыштыже вес автотранспорт дене керылтыныт, кандашыштыже еҥым тӱкеныт. Тидын годым кажне кокымшо аварийыштыже автобус водитель титакан.

Аварийын тӱҥ амалже тыгай: йолешкылан кошташ келыштарыме верым эртен кайыме годым правилым пудыртат, ик транспорт почеш весе пеш чак кудалыт, автомобильым кудалме корно пелен шогалтыме правилым огыт шукто, эртен кайыме черетым огыт эскере.

А.АНДРЕЕВ.

Если вы нашли ошибку, пожалуйста, выделите фрагмент текста и нажмите <em>Ctrl+Enter</em>.
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *